Nepalyň ilçisi Yslamabatdaky Türkmenistanyň ilçihanasyna baryp gördi
2025-nji ýylyň 10-njy ýanwarynda Nepalyň Pakistandaky täze ilçisi hanym Rita Dhital diplomatik korpusyň duaýeni, Türkmenistanyň Pakistandaky ilçisi Atajan Möwlamowa hormat saparyny amala aşyrdy. Bu barada Türkmenistanyň Pakistandaky ilçihanasy habar berýär.
Duşuşykda sebitiň ýagdaýlary barada pikir alyşmalar boldy.
Türkmenistanyň ilçisi ýurduň ýolbaşçylygy bilen başlanan möhüm energetika we transport taslamalary barada gürrüň berdi. Ol taslamalar hyzmatdaşlygy, ykdysady ösüşi we sebitde parahatçylygy pugtalandyrmaga gönükdirilendir.
Rita Dhital Türkmenistanyň daşary syýasatyna ýokary baha berip, Nepal bilen Türkmenistanyň arasyndaky gatnaşyklary giňeltmäge gyzyklanma bildirdi.
Taraplar, şeýle hem, Yslamabatdaky diplomatik korpus tarapyndan guralan çäreler we taslamalar bilen baglanyşykly meseleleri ara alyp maslahatlaşdylar.
ORIENT news
