Türkmen türgenleri gylyçlaşma boýunça Aziýa çempionatyna taýýarlanýarlar
Gylyçlaşma boýunça Aziýa çempionaty Kuweýtde fewral aýynda başlar. Türkmen türgenleri ýetginjekler (17 ýaşa çenli) we ýaşlaryň (21 ýaşa çenli) arasynda geçiriljek ýaryşlara gatnaşar.
Häzirki wagtda türkmen türgenleri paýtagtymyzdaky Olimpiýa şäherjiginiň binýadynda düýpli taýýarlyk görýärler. Türgenleşikler hepdede iki gezek üç sagadyň dowamynda geçirilýär. Tälimçiler ýaryşy alyp barmagyň usulyna hem-de tehniki taýýarlyga üns berýärler. Her bir türgen üçin güýçli we gowşak taraplarynyň göz öňünde tutulmagy bilen şahsy türgenleşik tertibi saýlanyp alynýar.
Aziýa çempionaty El-Kuweýtde 16-25-nji fewral aralygynda geçiriler. Yklym birinjiligine gatnaşmak Türkmenistanyň wekilleri üçin medal ugrunda göreşmekde ajaýyp mümkinçilik bolup durýar.
ORIENT news
