“Türkmenpoçta” kompaniýasy Çapar Pay gollanmasy arkaly eltip berijiniň hyzmatlaryny hödürleýär
“Türkmenpoçta” poçta aragatnaşyk kompaniýasynyň Çapar Pay köpugurly gollanmasy ulanyjylary begendirmegi dowam edip, olara durmuşy aňsatlaşdyrýan birnäçe täze hyzmatlary hödürleýär.
Olaryň birisi öýe ýa-da edara “Eltip berijini çagyrmak” hyzmatydyr. Poçtanyň we işewürlik hatlaryň, resminamalaryň ýa-da harytlaryň tiz eltip berilmesi – bularyň ählisi poçta gullugynyň eltip berijiniň wezipelerine girýär. Ol islendik ýüki alyja çenli çalt, anyk möhletde we hut özüne eltip berer (“gapydan gapa çenli”).
Çapar Pay golanmasy arkaly “Eltip berijini çagyrmak” hyzmatyny resmileşdirmek üçin hem ugradyjynyň, hem alyjynyň familiýasy we ady, ýüküň alyp gitmeli we ony eltip bermeli ýeriň anyk salgylary, telefon belgileri hem görkezilemeli. Soňra sargyt resmileşdirilýär.
Ýüküň bellenen ilatly nokada çenli eltilenden soň, eltip beriji telefon belgi boýunça jaň edip, ýüki nirä we näçede eltip bermelidigini anyklar.
Eltip berijini (+993 12) 92 14 65 telefon belgisi boýunça hem çagyryp bolýar.
Tiz sargyt, ygtybarly eltip berme – bularyň ählisiniň netijesinde wagtynyň gadyryny bilýän we ýokary hilli hyzmat edişi almak ilseýän ähli ulanyjylar üçin Çapar Pay gollanmasy iň gowy saýlap alma bolup durýar.
Çapar Pay Android we iOS binýadynda işleýän telefonlar üçin elýeterlidir.
ORIENT news
