Türkiýe 2026-njy ýylda bäşinji nesliň öýjükli aragatnaşyk ulgamyny girizmegi meýilleşdirýär
Soňky ýyllarda Türkiýäniň ykjam aragatnaşyk ulgamy ep-esli derejede ösdi, ýurduň abonentleriniň köp bölegi eýýäm 4,5 G ulgamyna geçdi.
Maglumatlara görä, Türkiýäniň ykjam aragatnaşyk ulanyjylarynyň 87 mln-dan 81 mln golaýy hut şu tehnologiýadan peýdalanýar. 4,5 G maglumatlaryň geçirilşiniň has ýokary tizligini hem-de öňki standartlar bilen deňeşdirilende has gowy aragatnaşyk hilini üpjün edýär.
Türkiýäniň Prezidenti Taýyp Erdogan 2026-njy ýylda bäşinji nesliň (5G) öýjükli aragatnaşyk ulgamyny girizmegi göz öňünde tutýar. Bu maksat bilen 2025-nji ýylda 5 G milli ulgamyny döretmek boýunça bäsleşik geçiriler. Bu hem ýurda ählumumy sanly ykdysadyýetiň bir bölegi bolmaga mümkinçilik berer. Bu waka Türkiýede aragatnaşyk infrastrukturasynyň gowulandyrylmagynda hem-de halkara arenada ýurduň bäsleşige ukyplylygynyň ýokarlandyrylmagynda möhüm ädim bolar.
Häzirden eýýäm dürli welaýatlarda, şol sanda Satmbulyň halkara howa menzilinde 5 G synaglary başlandy. 5 G ulgamynyň diňe bir ýokary tizlikli Internet standartlaryny üpjün etmän, eýsem Zatlaryň Interneti we akylly şäherler ýaly işewürlik üçin täze mümkinçilikleri açar.
ORIENT news
