Bosniýa we Gersegowinanyň Ilçisi Türkmenistanyň Mejlisiniň Başlygyna ynanç hatyny gowşurdy
18-nji noýabrda Türkmenistanyň Mejlisiniň Başlygy Dünýägözel Gulmanowa Bosniýa we Gersegowinanyň Türkmenistanda täze bellenen Adatdan daşary we Doly ygtyýarly Ilçisi (oturýan ýeri Tähran ş.) Niýaz Çardakliýandan ynanç hatyny kabul etdi.
Milli Parlamentiň ýolbaşçysy Türkmenistanyň hormatly Prezidenti Serdar Berdimuhamedowyň adyndan diplomaty wezipä bellenilmegi bilen gutlady şeýle hem iki ýurduň arasyndaky dostlukly gatnaşyklary pugtalandyrmagyň ýurtlaryň arasyndaky dostlukly gatnaşyklary berkitmegiň möhümdigini belledi.
Duşuşygyň dowamynda Ilçi oňyn Bitaraplyk, özara bähbitli hyzmatdaşlyk ýörelgelerine esaslanýan Türkmenistanyň içeri we daşary syýasatynyň ileri tutulýan ugurlary bilen tanyşdyryldy, Şeýle hem dürli ulgamlary ösdürmäge gönükdirilen kanunçylyk taýdan özgertmeleri durmuşa geçirmekde Parlamentiň orny nygtaldy
Niýaz Çardakliýa iki ýurduň bähbitlerine laýyk gelýän ikitaraplaýyn hyzmatdaşlygyň çuňlaşmagy üçin ähli tagallalary etjekdigine ynandyrdy.
Ilçi şeýle hem Türkmenistanyň Daşary işler ministriniň orunbasary Serdar Muhammetdurdiýew bilen duşuşdy we ynanç hatynyň nusgalaryny gowşurdy. Taraplar syýasy, ykdysady we medeni ugurlarda özara gatnaşyklaryň geljegini ara alyp maslahatlaşdylar. Halkara guramalaryň çäklerinde hyzmatdaşlyga aýratyn üns berildi, şonda birek-biregiň başlangyçlaryny özara goldaýandyklaryny tassykladylar.
Yzygiderli syýasy geňeşmeler geçirmek, şeýle hem parlamentara, söwda we medeni gatnaşyklary berkitmek boýunça teklipleri beýan edildi.
ORIENT
