Türkmenistanyň Prezidenti Söwda we daşary ykdysady aragatnaşyklar ministrini wezipesinden boşatdy
Noýabr 16, 2024 | 01:55 |13233
Türkmenistanyň Prezidenti Serdar Berdimuhamedow Begenç Goçmollaýewi, işde goýberen düýpli kemçilikleri üçin, Söwda we daşary ykdysady aragatnaşyklar ministri wezipesinden boşatdy.
Döwlet Baştutany bu karary 15-nji noýabr, anna güni geçirilen Ministrler Kabinetiniň mejlisinde mälim etdi.
Türkmenistanyň Döwlet teleradio ýaýlymynyň habarlar gepleşiginde habar berilişi ýaly söwda we daşary ykdysady aragatnaşyklar ministriniň wezipesini wagtlaýyn ýerine ýetirmegi ministriň orunbasary Kerim Kurbanowyň üstüne ýükledi.
Begenç Goçmollaýew 2022-nji ýylyň iýun aýynyň ahyryndan bäri söwda we daşary ykdysady aragatnaşyklar ministriniň wezipesinde işledi.
ORIENT
