Türkmenistan Indoneziýadaky oýlap tapyşlaryň halkara ýarmarkasyna gatnaşdy
Oguz han adyndaky Inžener tehnologiýa uniwersitetiniň wekilleri Mekan Allyýew we Gowşut Akmyradow Indoneziýanyň Bali adasynda geçirilen halkara oýlap tapylyşlaryň ýarmarkasyna gatnaşdy.
Çäre Indoneziýanyň Ýaşlar assosiasiýasy tarapyndan guralyp, 24 ýurduň 324 toparyny ýygnady. Hususan-da, ýarmarkanyň işine Indoneziýanyň, Hindistanyň, Rumyniýanyň, Russiýanyň, Gazagystanyň, Çehiýanyň, Singapuryň, Türkiýäniň, Hytaýyň, Tailand Patyşalygynyň, Meksikanyň, Malaýziýanyň, Eýranyň, Bangladeşiň, Müsüriň, Gyrgyzystanyň, Wýetnamyň, Birleşen Arap Emirlikleriň, Filippinleriň, Günorta Afrika Respublikasynyň wekilleri gatnaşdy.
Halkara oýlap tapylyşlaryň ýarmarkasy ýedi ugur boýunça geçirilýär – bilim, jemgyýetçilik ylymlar, daşky gurşaw, ýaşaýyş-durmuş esaslary, tehnologiýa, matematika, fizika we energetika inženerçiligi.
ORIENT News
