Trampyň ýeňşinden soň iň baý tehniki magnatlaryň baýlygy rekord 63,5 mlrd $ artdy
ABŞ-nyň 60-njy prezident saýlawlarynda Donald Trampyň ýeňşinden soň, amerikan işewüri Ilon Maskyň ýolbaşçylygyndaky dünýäniň iň baý on adamsynyň baýlygy bir gije-gündizde 63,5 mlrd-dan gowrak amerikan dollar artdy. Bu gündeki ösüşiň rekord görkezijisidir.
Bloomberg milliarderleriň sanawyna (Bloomberg Billionaries Index) laýyklykda, Ilon Maskyň baýlygy bir gije-gündizde 26,5 mlrd $ ýokarlandy. Dünýäniň elektron täjirçiliginiň platforma bazarynda iň ulysy bolan Amazon kompaniýasynyň esaslandyryjysy Jeff Bezos we Oracle korporasiýasynyň programma üpjünçiligiň bilelikdäki öndürijileriniň biri Larri Ellison hem ep-esli derejede baýadylar.
Dünýäniň iň baý adamlaryň maddy-hal ýagdaýynyň ýokarlanmagy amerikan kompaniýalarynyň paýnama hümmetiniň ösüşi bilen düşündirilýär. Trampyň Ak tama gaýdyp gelmegi bilen, salgytlaryň azalmagyna we salgyt düzgünleriniň gowşamagyna garaşylýar.
Kriptowalýyuta bazary bilen baglanyşykly milliarderleriň baýlygy hem ep-esli derejede ýokarlandy. Şeýlelikde, Coinbase Global Inc. kripta walýyutalar biržasynyň Baş direktory we esaslandyryjylarynyň biri Braýan Armstrong 30 % baýady (onuň baýlygy 11 mlrd $ çenli artdy). Binance kripta walýutalar biržasynyň esaslanyrdyjysy Çanpen Çžaoň baýlygy ABŞ-da geçirilen prezident saýlawlaryndan soň 12,1 mlrd $ ýokarlanyp, 52,7 mlrd $ barabar boldy.
ORIENT news
