Bütinrussiýa daşary ýurt edebiýaty kitaphanasynda Magtymgulynyñ heýkeli oturdylar
Moskwanyñ Bütinrussiýa daşary ýurt edebiýaty döwlet kitaphanasynda türkmen halkynyñ beýik nusgawy şahyry Magtymguly Pyragynyñ heýkeli oturdylar. Dabaraly çäräniñ geçirilmegi öñümizdäki hepdäniñ başyna, ýagny 30-njy sentýabryna meýilleşdirilen. Granit esasda bürünç heýkeliñ awtory Türkmenistanyñ Suratkeşler birleşiginiñ agzasy heýkeltaraş Zahid Babaýew.
Heýkeliñ açylyş dabarasyna Russiýanyñ döwlet edaralarynyñ, Moskwada akkreditirlenen diplomatik korpusynyñ, döredijilik we ylmy jemgýetçiliginiñ wekilleriniñ, jemgyýetçilik işgärleriniñ we belli köpçülikleýin habar beriş serişdeleriniñ wekilleriniñ gatnaşmagy meýilleşdirilýär.
Dabaranyñ maksatnamasynda Magtymguly Pyragynyñ goşgularynyñ türkmen we rus dillerinde okalyşy, Russiýanyñ we Türkmenistanyñ medeniýet işgärleriniñ çykyşlary bar.
Türkmen edebi diliniñ esaslandyryjysy hasaplanylýan XVIII asyryñ ikinji ýarymynyñ türkmen şahyry we akyldary 1724-nji ýylda doguldy. Öz döredijiligi bilen Pyragy şygyryýetde çeper diliniñ ähmiýetini ösdürip, bogun ölçeg ulgamyny ulanmak bilen däp bolan arap-pars ölçeginiñ ulanylmagyny goýdy. Onuñ goşgulary we poemalary sazandalar we hekaýa aýdyjylar tarapyndan dilden geçirilip, XIX asyryñ birinji ýarymynda çap edilip başlandy.
Dabara Russiýa Federasiýasynda Türkmenistanyñ ilçihanasy tarapyndan Magtymgulynyñ doglan gününiñ 300 ýyllygy mynasybetli geçirilýär.
Moskwanyñ daşary ýurt edebiýatynyñ kitaphanasynyñ howlusynda baş girelgesiniñ öñünde 20-den gowrak meşhur ýazyjylaryñ we akyldarlaryñ heýkelleri we yadygärlikleri oturdylan. Dmitriý Lihaçýowyñ we Simon Boliwaryñ, Ýuriý Lotmanyñ we Ýaroslaw Gaşegyñ, Awraam Linkolnyñ we Ioann Pawel III-niñ, Jeýms Joýsuñ we beýleki tanymal edebiýatçylaryñ heýkelleri bu howlujygy Moskwada iñ köp heýkelleriñ ýerleşdirilen ýerine öwürdi. Kolleksiýa wagtal-wagtal kitaphana sowgat edilen täze heýkeller bilen dolýar.
ORIENT news
