Gurbanguly Berdimuhamedow Çarwadarlaryň V bütindünýä oýunlarynyň açylyş dabarasyna gatnaşar
Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Gazagystan Respublikasynyň Prezidenti Kasym-Žomart Tokaýewiň çakylygy boýunça V Çarwadarlaryň bütindünýä oýunlarynyň resmi açylyş dabarasyna gatnaşmak üçin Gazagystan Respublikasyna iş sapary bilen ugrady.
Astana şäherindäki Nursultan Nazarbaýew adyndaky Halkara howa menzilinde hormatly garawuly düzülip, Halk Maslahatynyň Başlygyny Gurbanguly Berdimuhamedowy Gazagystan Respublikasynyň premýer-ministri Olžas Bektenow we beýleki resmi adamlary garşyladylar diýip, TDH döwlet habarlar agentligi habar berýär.
“Häzirki wagtda sport ulgamy Prezident Serdar Berdimuhamedowyň üstünlikli durmuşa geçirýän içeri we daşary syýasatynyň ähmiýetli ugry bolup, onda türkmen halkynyň Milli Lideriniň düýpli başlangyçlary mynasyp dowam etdirilýär. Olimpiýa herketiniň ýokary ynsanperwer ýörelgelerine hemişe ygrarly bolan bitarap Türkmenistan bu ugur boýunça sebit we halkara hyzmatdaşlygyň ösdürilmegi üçin çykyş edýär” – diýip, habaralar agentligi belleýär.
ORIENT news
