Stokgolmda türkmen-şwed syýasy geňeşmeleri geçirildi
3-nji sentýabrda Stokgolmda DIM derejesindäki türkmen-şwed syýasy geňeşmeleri geçirildi. Türkmen tarapyna Daşary işler ministriniň orunbasary Mähri Bäşimowa, şwed tarapyna – Gündogar Ýewropa we Merkezi Aziýa departamentiniň başlygy Tobias Tiberg ýolbaşçylyk etdiler.
Gepleşikleriň dowamynda ikitaraplaýyn gatnaşyklarynyň häzirki wagt ýagdaýy we olary ösdürmegiň mümkinçilikleri ara alnyp maslahatlaşyldy, howpsuzlyk, terrorçylyga garşy göreşmek, ekologiýa, ulag we energetika mowzuklaryny öz içine alýan ählumumy we sebit gün tertibi boýunça pikirler alşyldy.
Diplomatlar BMG, ÝHHG, ÝB ýaly halkara guramalarynyň çäklerindäki işjeň hyzmatdaşlygyň wajyplygy barada aýratyn belläp geçdiler. Türkmen wekiliýeti Türkmenistan tarapyndan gurnalýan halkara çärelerine şwed tarapyny gatnaşmaga çagyryp, ýokary derejedäki duşuşyklar üçin abraýly dünýä meýdançalarynyň ulanylmagyny teklip etdi diýip, türkmen DIM-niň habarlar gullugynda habar berilýär.
“Ýerwopa Bileleşiginiň “Global Gateway” başlangyjynyň çäklerindäki hyzmatdaşlygyň wajyplygy hem-de bu hyzmatdaşlygyň täze görnüşlerini öwrenmek meselesinde iki tarabyň pikirleri gabat geldi” – diýip, habarlarda aýdylýar.
Şol gün özünde türkmen wekiliýeti Şwesiýa Patyşalygynyň Riksdagynda (Mejlisinde) Merkezi Aziýa üçin Dostluk toparynyň başlygy, ÝHHG-niň Parlament Assambleýasynyň şwed wekiliýetiniň başlygy Býorn Sýoder bilen duşuşyk geçirdi. Taraplar oktýabrda iki ýurduň dsotluk toparlarynyň onlaýn duşuşygyny geçirip, ikitaraplaýyn medeniýet günlerini gurnamak meselelerini işläp taýýarlamakda ylalaşyga geldiler.
4-nji sentýbarda türkmen wekiliýeti Şwesiýanyň Daşary işler ministrliginiň Ýewroatlantik işleri we howpsuzlyk syýasaty boýunça Baş direktory Torbýorn Solstrýom bilen duşuşdy. Taraplar ekologiýa we energetika pudaklarynda, işewürlerik jemgyýetleriniň arasynda, medeniýet we bilim boýunça hyzmatdaşlygy ýola goýmak mümkiçniliklerini öwrenmekde şertlendiler.
ORIENT news
