1-nji sentýabrdan Russiýanyň mekdeplerinde sapaklarda ykjam telefonlary ulanmaklyk gadagan edilýär
2024-nji ýylyň 1-nji sentýabryndan Russiýanyň umumy bilim berýän mekdeplerinde sapaklarda ykjam telefonlary ulanmaklyk gadagan edilýär. Bu barada Döwlet dumasynyň magaryf boýunça komitetiniň Başlygynyň birinji orunbasary Ýana Lantratowanyň sözlerine salgylanyp, “РИА Новости” habarlar agentligi habar berýär.
“1-nji sentýabrdan başlap mekdeplerde sapagyň dowamynda ykjam telefonuny ulanmaklyk gadagan edilýär. Okuw maksatlary bilen hem ulanmaklyk gadagandyr. Eger-de çagalara wideomateriallary görkezmeli ýa-da test geçirmeli bolsa, munuň üçin mugallym interaktiw tagtany, kompýuteri, planşeti, monoblogy ulanyp biler.” – diýip, belledi.
Medeplerde ykjam telefonlary ulanmaklyga çäklendirmeler Döwlet dumasy tarapyndan geçen ýylyň dekabr aýynda girizildi. Muňa laýyklykda, mekdeplerde sapagyň dowamynda adatdan daşary ýagdaýlardan, ömre ýa-da saglyga howp döremegi bilen baglanyşykly ýagdaýlardan daşary “işjeň radiotelefon aragatanaşyk serşdelerini” ulanmaklyk gadagan edilýär. “Işjeň radiotelefon aragatanaşyk serşdeleri” diýlip, ykjam telefonlara, içinde SIM-karta bolan hem-de telefon hökmünde ulanylyp bilinýän, meselem, jaňlara jogap bemek ýaly funksiýalary öz içine alýan planşetler, akylly sagatlar düşünilýär.
Ykjam serişdelerini öňküsi ýaly ýanyň bilen mekdebe getirip, arakesme wagty ýa-da naharhanada ulanyp bolýandygyny bellemek zerur.
Kanunda sapagyň dowamynda okuwçynyň ykjam telefonunyň saklanylmaly ýeri barada kesgitleme ýok. Emma bu başlangyjyň awtorlarynyň biri bolan Döwlet dumasynyň magaryf boýunça komitetiniň Başlygy Olga Kazakowanyň belleýşi ýaly, her mekdep bu kanun taslamasynyň durmuşageçirilmegine özbaşdak gözegçilik eder.
Meselem, käbir mekdeplerde çagalaryň ykjam telefonlaryny özabşdak tabşyrmaklary üçin ýörite niýetlenen gutylar bar.
ORIENT news
