TDHÇMB-da geçirilen söwdalaşykda nebithimiýa we ýeňil senagatyň önümlerine uly isleg bildirildi
Awgust 31, 2024 | 10:59 |8039
Anna güni, 30-njy awgustda, Türkmenistanyň Döwlet haryt çig mal biržasynda geçirilen söwdalaşyklarda nebithimiýa we ýeňil senagatyň önümlerine uly isleg bildirildi.
BAE-niň we Özbegistan döwletiniň işewürleri “Türkmengaz” Döwlet konserninden suwuklandyrylan gazy satyn almak barada geleşik baglaşdylar.
Şeýle hem olar “Türkmenhimiýa” Döwlet konserninden polietilenden öndürilen bedre satyn aldylar.
Türkmenistanyň işewürler topary Türkmenistanyň Dokma Senagaty ministrliginden arassalanan nah galyndylaryny satyn aldylar.
Söwdalaşyklaryň barşynda jemi 1 100 000 manada we 1 825 840,32 ABŞ dollaryna deň bolan 4 geleşik baglaşyldy.
Türkmenistanyň Döwlet haryt-çig mal biržasyndaky kesilen nyrhlar barada şu salgyda tanyşyp bilersiňiz.
ORIENT news
