Türkmenistan we Owganystan hyzmatdaşlygy giňeltmegiň ýollaryny beýan etdiler
Awgust 30, 2024 | 11:18 |12582
29-njy awgustda Owganystanyň Magdan we nebit önümleri ministriniň wezipesini ýerine ýetiriji Hedaýatulla Badriniň ýolbaşçylygyndaky wekiliýetiň agzalary Aşgabatda iki taraplaýyn duşuşyklary geçirdi diýip, TDH habar berýär. Gepleşikleriň dowamynda taraplar dürli pudaklarda bilelikdäki taslamalaryň durmuşa geçirilmegine aýratyn üns berip, iki ýurduň arasyndaky hyzmatdaşlygy ösdürmegiň geljegini ara alyp maslahatlaşdylar.
Owgan wekiliýeti ähli ugurlarda sazlaşykly ösüş ýoluna düşen Türkmenistan bilen hyzmatdaşlygy ösdürmäge çuňňur gyzyklanma bildirdi. Ykdysadyýetiň esasy pudaklarynda özara gatnaşyklary çuňlaşdyrmaga gönükdirilen anyk ädimler we meýilnamalar ara alnyp maslahatlaşyldy.
Owganystanyň wekiliýetiniň sapary dowam edýär.
ORIENT news
