«Татнефть» Türkmenistanda lukmançylyk polipropilenini öndürmegiň mümkinçiliklerini öwrenýär
27-nji awgust, sişenbe güni Kazan şäherinde geçirilen söwda-ykdysady, ylmy-tehniki we medeni hyzmatdaşlyk boýunça türkmen-tatar iş toparynyň maslahatynda Türkmenistanda lukmançylyk polipropilenini öndürmek meselesi, Arkadag şäherinde fiziki erginini we derman serişdelerini öndürmek üçin lukmançylyk senagaty klasterini döretmek meseleleri ara alnyp maslahatlaşyldy.
Bu mowzuk boýunça Türkmenistandaky «Татнефть» kompaniýasynyň bölümçe müdiri Ildar Burganow belläp geçdi. Ol kompaniýada Türkmenbaşynyň nebiti gaýtadan işledýän zawodlar toplumynyň esasynda lukmançylyk polipropilenini öndürmek mümkinçilikleriniň öwrenilýändigi, şeýle-de Arkadag şäherinde import önümleriniň dolulygyna ýerini tutup biljek ýerli çig malydan taýýaranan fiziki erginleriniň we derman serişdeleriniň döredilmegine gatnaşmak mümkinçilikleri barada nygtap geçdi.
Şeýle-de Burganow ýylyň ahyryna çenli Türkmenistandaky «Татнефть» bölümçesiniň Goturdepe käninde nebitiň gazylyp çykarylyşyny 800 müň tonna çenli ýokarlandyrmagy göz öňünde tutýandygyny belledi.
ORIENT news
