Owganystan we Türkmenistan bilelikdäki infrastruktura taslamalaryny ara alyp maslahatlaşdylar
Çarşenbe güni (21-nji awgust) Türkmenistanyň we Owganystanyň resmi wekilleri Hyratda ýerleşýän iki ýurduň arasyndaky serhetýaka etraby Turgundide TOPH gaz geçirijisi taslamasyny durmuşa geçirmek işleriniň badalga berilmegine taýýarlyk işlerini bahalandyrmak üçin duşuşdylar. Şeýle-de taraplar täze demir ýol ugrunyň we elektrik geçiriji infrastrukturasynyň gurluşyklaryny ara alyp maslahatlaşdyrlar.
Owganystanyň daşary işler ministri Amir Han Muttakiniň ýolbaşçylygyndaky ýokary wezipeli wekiliýetine şahta we nebit, aragatnaşyk we maglumat tehnologiýalary ýaly esasy pudaklaýyn ministrler girdiler. Mutakki öz türkmen kärdeşi Raşid Meredowy TOPH turba geçirijisiniň dowam etdirmek üçin taýýarlyk işleriniň tamamalandygy we onuň amaly tarapyna başlamaga taýýardygy barada ynandyrdy.
Bakhtar news habar bermegine görä, Türkmenistanyň daşary işler ministri Owganystanda demir ýol ugrunyň we demir ýol stansiýasynyň gurluşynyň çaltlandyrylmagyna öz ýurdunyň ygrarlydygyny tassyklady. Şeýle-de, elektrik energiýa geçirijisiniň möhüm taslamasy bolan Noorul Jihad podtansiýasynyň ýakyn geljekde tamamlanjakdygy barada hem bellenildi.
Geçen aý türkmen we owgan demir ýol ýolbaşçylary bilelikdäki taslamalar boýunça gepleşikleri geçirdiler.
