Russiýa wiza almak üçin daşary ýurtly raýatlar söhbetdeşlik geçerler
Russiýa wiza almak isleýän daşary ýurtly raýatlar şahsy söhbetdeşligi geçmeli. Interfaksyň bellemegine görä, 2003-nji ýylyň daşary ýurtly raýatlaryna wiza bermek baradaky düzgünlerine degişli üýtgeşmeler ýurduň hökümeti tarapyndan girizildi.
“Daşary ýurtly raýatyň Russiýa Federasiýasyna gitmeginiň maksadyny we Russiýa Federasiýasynyň çäginde bolmak şertlerini tassyklaýan maglumatlaryň dogrulygyny goşmaça barlamak maksady bilen daşary ýurtly raýata wiza bermek meselesine garalýan döwründe ygtyýarlandyrylan döwlet edarasynyň işgäri tarapyndan onuň bilen şahsy söhbetdeşlik geçirilýär” – diýip, düzgünlere girizilen üýtgeşmelerde aýdylýar.
Bu çözgüt Russiýa Federasiýasyna gitmeginiň we ol ýerde bolmak şertleriniň maksadyny barlamak bilen Kabul edildi. Munuň bilen baglylykda, söhbetdeşligiň dowamynda daşary ýurtly raýat onuň gitmek maksadyny tassyklaýan resminamalary görkezmäge hukuklydyr.
“Raýatlyk degişliligi bolmadyk döwletde wiza alýan daşary ýurtly raýata şol ýurtda 180 günden köpräk wagt ýaşamak baradaky rugsatnamanyň bolmagynyň şerti bilen wiza düzedilýär we berilýär”, - diýip resminamada aýdylýar.
Russiýa Federasiýasyna üstaşyr wizasyny daşary ýurtly raýat bu şerti ýerine ýetirmeksiz hem alyp bilýär.
ORIENT news
