Türkmenistanyň Maýa goýum maslahatynyň geçirilýän senesi üýtgedildi
Türkmenistanyň Maýa goýum maslahaty TIF 2024 Aşgabatda 10-11-nji sentýabrynda geçiriler, bu barada şenbe güni Guramaçylyk komiteti habar berdi. Ozal bolsa Maslahatyň 19-20-nji senelerinde geçirilmegi meýilleşdirilýärdi. Maslahatyň senesi ýurtda geçirilýän döwlet derejesindäki çäreleriň tertibiniň üýtgänligi sebäpli üýtgedildi.
TIF 2024 Türkmenistanyň ykdysadyýetine maýa goýumlary çekmekde, täze maýa goýum taslamalarynyň durmuşa geçirilmeginiň we halkara hyzmatdaşlygyň ösdürilmeginiň esasy meselelerini ara alyp maslahatlaşmakda möhüm waka bolar. Maslahata ýokary derejeli ýolbaşçylar, nebit we gaz, energetika, gurluşyk, ulag we kommunikasiýa pudaklarynyň öňdebaryjy milli we halkara kompaniýalarynyň bilermenleri we wekilleri gatnaşar. Şeýle-de iri dünýä maliýe institutlary, banklary, halkara guramalary we barlag merkezleri hem gatnaşarlar.
Çäre Türkmenistanyň Maliýe we ykdysadyýet hem-de Daşary işler ministrlikleriniň ýolbaşçylygynda geçirilýär.
Gelen myhmanlar üçin Maslahatyň öň ýanynda medeni çäreli maksatnama taýýarlanyldy. 9-njy sentýabrda olar Aşgabada gezelenç edip, Türkmen halysynyň milli muzeýine hem-de “Köne Nusaý” taryhy-medeni goraghanasyna baryp görerler.
Maslahatyň maksatnamasy bilen TIF 2024 saýtynda tanşyp bilersiňiz.
ORIENT news
