Hytaý Halk Respublikasynda geçirilen Kaşgar haryt ýarmarkasynda türkmen dokma önümleri özüne üns çekdi
Türkmenistan 16-20-nji awgust aralygynda Hytaý Halk Respublikasynyň Sinszýan-Uýgur awtonom welaýatynda geçirilýän “Kaşgar-Merkezi we Günorta Aziýa” Hytaýyň haryt ýarmarkasyna gatnaşýar.
Kaşgar ýarmarkasy Hytaýyň, Merkezi we Günorta Aziýanyň hem-de beýleki ýurtlaryň hökümet wekillerini, iri önümçilik kärhanalaryny, pudaklaýyn assosiasiýalaryny, ykdysady we söwda guramalaryny özüne çekdi. Ýerli köpçülikleýin habar beriş serişdeleriniň belleýşi ýaly, türkmen stendi täsirli we ýokary hilli dokma önümleri, esasan hem, haly önümleri bilen myhmanlaryň ünsüni özüne çekdi.
Ýarmarkanyň tematikasy degişli eksponentleriň brend harytlaryny we bäsdeşlige ukyply serişdelerini açyp görkezmek bilen söwda we logistika, täze materiallar, elektron maglumatlar, dokma önümleri we egin-eşikleri, energiýa tygşytlaýjy ulgamy we daşky gurşawy goramak, biolukmançylyk, oba hojalyk we ikinji derejeleri önümleriniň gaýtadan işlenilmegi, medeni syýahatçylyk we beýleki pudaklary öz içine aldy.
Guramaçylaryň berýän maglumatya görä, şu ýyl Kaşgar ýarmarkasynda gol çekilen şertnamalarynyň umumy bahasasy täze ýokary derejä ýetirildi. Çäre 14-nji gezek geçirilip, 550 hytaýly eksponentleri, 158 daşary ýurt kompaniýalaryny, 313 satyjylary we 16 000-den gowrak myhmanlary özünde jemledi.
ORIENT news
