Astrahanda "Hazar şu gün" metbugat meýdançasy tanyşdyryldy
16-17-nji awgustda Astrahanda gecirilýän Hazar metbugat maslahatynda "Hazar şu gün" maglumat kontent-meýdançasy bilen tanyşdyrdylar. TASS habarlar gullugynyñ habar bermegine görä, Astrahan oblastynyñ gubernatoryñ wezipesini wagtlaýyn ýerine ýetirijisi Pawel Pautowyñ umumy mejlisde eden çykyşynda maglumat meýdançasy maglumat ýetmezçiligini ýeñip geçmäge we onuñ elýeterliligini ýokarlandyrmaga mümkinçilik berer diýip aýtdy.
IX Hazar metbugat maslahaty 16-17-nji awgustda Astrahanda geçirilip, Russiýa Federasiýasyndan, Azerbaýjandan, Eýrandan, Gazagystandan, Türkmenistandan, şeýle-de Gagauziýadan (Moldowa) we Özbegistandan žurnalistleri, hökümet organlarynyñ we jemgyýetçilik guramalarynyñ wekillerini birleşdirdi.
"Ilki bilen, ählumumy maglumat söweşinde duşmançylykly kontentiñ we galp maglumatlarynyñ ýaýramagyna garşy göreşmek zerurdyr, giñ auditoriýa üçin dogry maglumatlary ýetirmelidir. Munuñ bilen baglylykda biz "Hazar şu gün" atly halkara Hazar metbugat meýdançasyny hödürleýäris we Hazarýaka döwletleriniñ žurnalistlerini onuñ işine gatnaşmaga çagyrýarys. Biziñ çaklaýyşymyza görä, halkaraçy žurnalistler, işewürler, talyp ýaşlar üçin niýetlenen umumy maglumat meýdançasy maglumat ýetmezçiligini ýeñip geçmäge we onun elýeterliligini ýokarlandyrmaga mümkinçilik berer" - diýip, Pautow belledi.
Onuñ aýtmagyna görä, bu meýdança täzelikler bilen alty dürli dilde, şol sanda türkmen dilinde hem tanyşmaga mümkinçilik berer. Baş sahypasynda günuñ umumy maglumat şekili suratlandyrylar.
Şeýle-de Hazar metbugat maslahatynda Hazarýaka ýurtlarynyñ ajaýyplyklary we olaryñ medeniýeti bilen tanyşdyrýan wirtual onlaýn-meýdançasyny döretmek hem teklip edildi. "Hazarýaka ýurtlaryndan başlap, soñra bolsa biraz giñeldip (ýurt sanyny), men Size wirtual meýdançasyny (TASS belligi - ýurtlaryñ medeniýeti barada) döretmek barada teklip edýärin. Esasysy bolsa, maglumatlaryñ dogry we elýeterli bolmagydyr, adamyñ bu ýere girip, ähli gerekli maglumatlaryny tapyp bilmegidir" - diýip, " Sungatda we metbugatda serhetleri aýyrýan sanly tehnologiýalar" atly bölümçede çykyş eden Aqua Trio LLC IT kompaniýasynyñ direktory, "Узбекистан матбуоти" ("Пресса Узбекистана") žurnalynyñ esaslandyryjysy Artur Kan belledi.
Bu meýdança wideo maglumatlary, tekst faýllaryny, wirtual ekskursiýalaryny, hem dürli onlaýn sapaklary öz içine alyp bilerdi, diýip düşündirdi. Munuñ ýaly meýdança "medeniýetleriñ arasyndaky serhetleri aýyrmaga" mümkinçilik bererdi diýip belledi.
ORIENT news
