Türkiýede halkara howa menzili açyldy
Türkiýäniň günortasyndaky Mersin sebitinde ýylda 9 million ýolagça hyzmat etmek üçin niýetlenen täze Çukurowa halkara howa menzili açyldy. Bu barada Anadoly habarlar agentligi habar berýär.
Howa menziliniň açylyş dabarasynda eden çykyşynda Türkiýe Respublikanyň Prezidenti Rejep Taýyp Ärdoganyň belleýşi ýaly täze howa menzili Türkiýäniň sebit we dünýä üçin howa derwezesi bolar. Bu howa menzili Çukurowa sebitinde söwda, syýahatçylyk we oba hojalygy önümçiliginiň ösmegine goşant goşar we takmynan 3 müň adamy iş orny bilen üpjün etmäge mümkinçilik berer.
Howa menzili 800 gektary eýeläp, terminalynyň meýdany 110 müň inedördül metre deňdir. Çukurowa howa menziline uçuşlar Adana şäherinden geçirilýär we hepdede bäş gezek amala aşyrylar.
Respublikanyň Ulag ministri Abdulkadir Uraloglunyň sözlerine görä, bu eýýäm Türkiýedäki 58-nji howa menzili bolup, onuň gurluşygynyň bahasy 244,5 million ýewro deň boldy, 3500 metr uzynlygyndaky uçuş-gonuş zolagy CAT-II ülňülerine laýyklykda guruldy we ähli görnüşli uçarlary şol sanda giň göwrümli uçarlary kabul etmäge we uçurmaga ukyply.
Mersin we Adana şäherinden howa menziline çenli ýokary tizlikli automobile ýoly çekildi we ýakyn wagtda ýokary tizlikli otly iki şäherden hem 23 minutda barmaga mümkinçilik berer.
ORIENT news
