Türkmenistanyň Adatdan daşary we Doly ygtyýarly Ilçisi Sloweniýa Respublikasynyň Prezidentine ynanç hatylaryny gowşurdy
13-nji awgustda Sloweniýada Türkmenistanyň Adatdan daşary we doly ygtyýarly ilçisi Esen Aýdogdyýew bu ýruduň Prezidenti Nataşa Pirs-Musara ynanç hatlaryny gowşurdy.
Sloweniýanyň Baştutany türkmen diplomaty bu ýokary derejeli wezipä bellenilmegi bilen gutlap, oňa işinde uly üstünlikleri arzwu etmek bilen iki ýurduň halklarynyň düýp bähbitlerine laýyk gelýän Türkmenistan bilen Sloweniýanyň arasyndaky dostlukly we sylagly gatnaşyklarynyň dowam etdiriljekdigine ynanç bildirdi.
Türkmenistanyň ilçisi Sloweniýanyň Prezidentini hyzmatdaşlygyň, özara düşünişmegiň we özara bähbitli gatnaşyklaryň ýola goýulan däplerini dowam etdirmek üçin gerekeli işleriň geçiriljekdiginde ynandyrdy.
Söhbetdeşligiň dowamynda ikitaraplaýyn esasda hem-de halkara guramalarynyň çäklerinde Türkmenistan bilen Sloweniýanyň arasyndaky syýasy-diplomatik dialogynyň işjeňleşdirilmegiň ähmiýeti barada bellenildi, şeýle-de özara bähbitli söwda-ykdysady gatnaşyklarynyň mundan beýläk ösdürilmegi barada hem aýratyn bellenildi.
Bu babatda Ykdysady hyzmatdaşlyk boýunça Türkmen-slowen hökümetara komissiýasynyň ähmiýetli orny barada nygtayp geçildi. Russiýa Federasiýasynda türkmen ilçihanasynyň saýtynda habar berilmegine görä, medeni we ynsanperwer hyzmatdaşlygynyň ösdürilmegine hem aýratyn üns berildi.
Duşuşygyň ahyrynda Sloweniýa Respublikasynyň Prezidenti Nataşa Pirs-Musar Türkmenistanyň Prezidenti Serdar Berdimuhamedowa gutlag sözlerini ýollady.
ORIENT news
