Brýusselde Türkmenistan bilen Ýewropa Bileleşiginiň arasyndaky Teswirnamanyň tassyklanylmagy barada habar berildi
Şu gün Brýusselde Türkmenistanyň Belgiýadaky Adatdan daşary we doly ygtyýarly ilçisi Sapar Pälwanow Ýewropa Bileleşiginiň Geňeşiniň Baş sekretariatynyň Hukuk gullugyna Türkmenistan tarapyndan Türkmenistan bilen Ýewropa Bileleşiginiň hem-de oňa agza döwletleriniň arasyndaky hyzmatdaşlyk baradaky Ylalaşygyň Teswirnamasyny tassyklamak baradaky resminama berildi. Bu Teswirnama 2024-nji ýylyň 18-nji martynda Brýusselde gol çekildi.
Bu Teswirnama Ýewropa Bileleşigine täze ýurtlaryň goşulşmagyny göz öňünde tutýar: Bolgariýa, Çehiýa, Estoniýa, Horwatiýa, Kipr, Latwiýa, Litwa, Wengriýa, Malta, Polşa, Rumyniýa, Sloweniýa we Slowakiýa, hem-de Türkmenistan bilen Ýewropa Bileleşiginiň arasyndaky hyzmatdaşlygyň giňeldilmeginde möhüm ädmidir. Teswirnamabyň tassyklanylmagy Türkmenistanyň Mejlisi tarapyndan 2024-nji ýylyň 13-nji iýulynda makullandy.
Diplomatik wekilhananyň habar berişi ýaly, resminamany gowşurmak dabarasynyň dowamynda Adatdan daşary we doly ygtyrly ilçi Pälwanow Ýewropa Bileleşiginiň wekili bilen Türkmenistan bilen Ýewropa Bileleşiginiň arasynda hyzmatdaşlygy ösdürmekde hem-de ylalaşdyryjy-hukuk binýadyny pugtalandyrmakda geljekki ädimler barada ara alyp maslahatlaşdylar.
ORIENT news
