Gazagystan we Türkmenistan Demirgazyk-Günorta geçelgesiniň gündogar ugruny ösdürmek barada maslahatlaşdylar
Türkmenistanyň Ministrler kabinetiniň ýanyndaky Ulag we kommunikasiýa agentliginiň baş direktory Mämmethan Çakyýew hem-de Gazagystan Respublikasynyň wise-premýeri Serik Žumangarin ikitarapaýyn duşuşyk geçirip, ulag pudagynda hyzmatdaşlyk mümkinçilikleri barada maslahatlaşdyrlar.
Iki ýurduň arasynda Gazagystanyň we Türkmenistanyň çäklerinden geçip Päkistana we ondan soň Hindistana ýük üstaşyr daşalşyny üpjün edýän Demirgazyk-Günorta geçelgesiniň gündogar ugruny ösdürmek babatynda işjeň hyzmatdaşlyk alnyp barylýar.
2024-nji ýylyň iýulynda Gazagystanyň, Russiýanyň, Eýranyň we Türkmenistanyň arasynda Demirgazyk-Günorta geçelgesini bilelikde ösdürmek barada Ýol kartasyna gol çekildi, Owganüsti demirýolunyň günbatar ugrunyň ulanylyşy barada hem ylalaşyldy. Gazagystan Respublikasy bu demirýol ugrunyň ýokarky gurluşygy üçin Gazagystanda öndürilen materiallar, pürsler, seplemler, berkitmeler bilen üpjün etmek arkaly Türkmenistan we Owganystan bilen bilelikde Owganystanyň demir ýolunyň Turgundi-Hyrat-Gandagar-Spin-Buldak bölekleriniň gurluşygyna gatnaşmaga taýýardygy barada habar berdi.
Şeýle-de duşuşykda Turgundi-Hyrat demir ýolunyň gurulmagynyň aýratynlyklary hem-de Turgundi üsti bilen Hytaýa ýük daşalşyny işjeňleşdirmek mümkinçilikleri barada maslahatlaşyldy. Gazagystan Respublikasynyň premýeriniň habarlar gullugynda habar berilmegine görä, taraplar Hytaý-Gazagystan-Türkmenistan-Eýran bilelikdäki geçelgeler boýunça hem-de gündogar ugrunda ýükleriň sepsiz daşalmagy üçin umumy logistik operatorynyň döredilmegi barada Russiýa Federasiýasynyň, Türkmenistanyň, Gazagystanyň arasynda ylalaşylan Demirgazyk-Günorta ugry boýunça bäsdeşlige ukyply tarif şertleriniň döredilmeginde alnyp barylýan bilelikdäki işler barada aýratyn bellediler.
ORIENT news
