Türkmen wekiliýeti Filippinlerdäki «Clark Freeport» erkin ykdysady zolagyna baryp gördi
Türkmen wekiliýeti 3-nji awsgustda, ýagny Filippinler Respublikasyna saparynyň ikinji gününde, «Clark Freeport» erkin ykdysady zolagyna baryp gördi. Türkmenistanyň DIM-niň habar bermegine görä: “Bu sapar iki ýurduň arasyndaky hyzmatdaşlygyň pugtalandyrylmagynda ähmiýetli bolup, tejribe alyşmaga hem-de bilelikdäki taslamalaryň durmuşa geçirilmegine mümkinçilik berdi”.
Saparyň çäklerinde Binýatlaýyn esaslaryň (bazalaryň) özgeriş we ösüş müdirliginde (BCDA) duşuşyk geçirildi. Duşuşykda «Clark Freeport» erkin ykdysady zolagynyň tanyşdyrylyş dabarasy hem-de ekologiýa taýdan arassa şäheriň döredilmeginiň möhüm taslamasy görkezildi. Şeýle-de myhmanlar üçin Filippinlerdäki işewürligiň, senagatyň, awiasiýanyň, bilimiň we syýahatçylygyň merkezi bolan «Clark Freeport»-yň territoriýasynda gezelençler gurnaldy.
Türkmen wekiliýeti durmuşa geçirilýän tasalama ýokary baha berip, erkin ykdysady zolaklarynyň döredilmegine we dolandyrylmagyna gyzyklanma bildirdi.
Duşuşygyň barşynda, türkmen tarapy filippinli kärdeşlerini täze akylly şäher bolan Arkadag şäheri bilen tanyşdyrdy. Tanyşdyrylyş dabarasynyň dowamynda bu şäheriň esasy aýratynlyklary we gazananlary görkezilip, şäher gurluşygynyň ikinji tapgyrynyň meýilnamalary barada bellenilip geçildi. Türkmen wekiliýeti Arkadag şäheri bilen ýakyndan tanyşmak we özara gatnaşyklary ýola goýmak üçin filippinli kärdeşlerini Türkmenistana çagyrdylar.
BCDA tölegli ýollar, howa menzilleri, deňiz portlary, iri gozgalmaýan emläk desagalary ýaly durmuş ähmiýetli jemgýetçilik infrastrukturasyny ösdürmek maksady bilen döwlet-hususy hyzmatdaşlygyna gatnaşýar. Bu filippin taryhynyň infrastruktura pudagynda iň möhüm “Build, Build, Build” atly hökümetiň milli maksatnamasyny drumuşa geçirýän gulluklarynyň biridir.
ORIENT news
