Çagany ene süýdi bilen iýmitlendirmegiň bütindünýä hepdeligi başlady
Çagany ene süýdi bilen iýmitlendirmegiň bütindünýä hepdeligi 1-7-nji awgust aralygynda geçirilýär.
Her ýyl Bütindünýä saglygy goraýyş guramasynyň we Birleşen Milletler Guramasynyň Çagalar Gaznasynyň başlangyjy bilen dünýäde çagany ene süýdi bilen iýmitlendirmegiň medeniýetini janlandyrmak, gündelik durmuşda we iş ýerinde çagany ene süýdi bilen iýmitlendirmegi goldamak maksady bilen her ýyl awgust aýynyň birinji hepdesinde geçirilýär.
Ählumumy derejedäki çäre, çagany ene süýdi bilen iýmitlendirmegiň peýdalary we usullary barada maglumat ýaýratmaga gönükdirilendir.
Bu ýylky hepdeligiň mowzugy “Boşluklary doldurmak: Ene süýdi bilen iýmitlendirmek üçin ähliumumy goldawy gazanmak”. Hepdäniň dowamynda ene süýdi bilen emdirýän enelere goldaw çagyryşlary we her bir ene süýdi bilen emdirýän enäni goldamak üçin maşgalalaryň, jemgyýetiň, ýerli jemgyýetiň we saglyk işgärleriniň muňa öz goşantlaryny goşup biljekdigi aýdylýar.
2018-nji ýylda Bütindünýä saglygy goraýyş Assambleýasy saglygy goramak boýunça möhüm çäre hökmünde Çagany ene süýdi bilen iýmitlendirmegiň bütindünýä hepdeligini döretmek teklibini goldaýan kararnamany kabul etdi.
Ene süýdi bilen iýmitlendirmek çagalaryň saglygy berkitmegiň we sagdyn ösdürmegiň iň täsirli usullaryndan biridir. Bütindünýä saglygy goraýyş guramasy çaganyň ilkinji 1000 günüň dowamynda diňe ene süýdi bilen iýmitlendirmegi maslahat berýär.
ORIENT news
