Geçen hepde TDHÇMB-da geçirilen söwdalaşykda 21 sany geleşik hasaba alyndy
Geçen hepde Türkmenistanyň Döwlet haryt-çig mal biržasynda geçirilen söwdalaşykda 21 geleşik hasaba alyndy.
Daşary ýurt puluna Birleşen Arap Emirlikleriniň, Türkiýe we Owganystan döwletleriniň telekeçileri “Türkmennebit” Döwlet Konserninden dizel ýangyjyny, az kükürtli ýakyş mazudy, suwuklandyrylan gazy şeýle hem senagat taýdan ulanmak üçin nahar duzuny(“Türkmenhimiýa” DK) satyn aldylar.
Bulardan başga-da daşary ýurt puluna Ukrainadan we Gyrgyzystandan gelen işewürler düz boýalan we žakkard sütükli önümleri satyn aldylar. Geleşikleriň jemi bahasy ABŞ-nyň 38 million 723 müň dollaryndan gowrak boldy.
Türkmen işewürleri polipropilen (“Türkmennebit” DK) we düz float aýnasyny satyn aldylar. Geleşikleriň umumy mukdary 11 million 995 müň manat boldy.
Türkmenistanyň Döwlet haryt-çig mal biržasyndaky kesilen nyrhlar barada şu salgyda tanyşyp bilersiňiz.
ORIENT news
