OpenAI emeli aň esasynda SearchGPT gözleg ulgamyny hödürledi
Amerikan kompaniýasy OpenAI, emeli aň esasynda SearchGPT gözleg ulgamynyň synag görnüşini hödürledi. Bu barada Amerikanyň gündelik gazeti The Wall Street Journal habar berdi.
OpenAI kompaniýasy SearchGPT öwretmek üçin uly göwrümli neşirler bilen hyzmatdaşlyk şertmanasyny baglaşdy. Olaryň arasynda Associated Press, Financial Times, Business Insider, Le Monde we beýleki daşary ýurtly neşirler bar.
Web sahypalarynda tapylan maglumatlary, şol sanda habar çeşmelerini jemlemek bilen, SearchGPT gözleg ulgamy ulanyjylaryň soraglaryna çalt we göni jogap berer. Mundan başga-da, her jogabyň soňunda degişli çeşmeleriň salgysyny berer.
“Emeli aň modellerimiziň güýjüni internetdäki maglumatlar bilen birleşdirip, anyk, degişli çeşmeler bilen çalt, öz wagtynda jogap bermek üçin döredilen SearchGPT-ni synagdan geçirýäris. Seslenme almak üçin ulanyjylaryň we neşirýatçylaryň uly bolmadyk toparyna hödürleýäris” – diýip, kompaniýanyň metbugat beýanatynda aýdylýar.
Şeýle hem SearchGPT ulanyjylaryň takyklaýjy soraglaryna jogap berip biler.
Bilermenler SearchGPT bazarda köpden bäri agalyk edip gelýän Google mynasyp bäsdeş bolup biljekdigine ynanýarlar.
ORIENT news
