Magtymguly adyndaky TDU-nyň wekilleri Astrahanda geçiriljek “Hazar oýunlarynda” çykyş ederler
Astrahanda 8-nji oktýabrda açyljak “Hazar oýunlaryna” taýýarlyk görülýär. Bu barada Astrahan sebitiniň degişli edarasynyň portalynyň web sahypasynda habar berilýär.
Oýunlar Türkmenistandan, Azerbaýjandan, Gazagystandan, Eýrandan we Russiýadan gelen talyplary birleşdirer, olaryň ýokary okuw mekdepleri Hazarýaka ýurtlarynyň ylmy-gözleg merkezleriniň we uniwersitetleriniň assosiýasynyň agzalarydyr.
Bäsleşikde Türkmenistana Magtymguly adyndaky Türkmen döwlet uniwersitetiniň topary wekilçilik eder.
Üç günüň dowamynda gatnaşyjylar sportuň on görnüşi: ýeňil atletika, küşt, şaşka, futbol, fijital-futbol, sambo, suwda ýüzmek, woleýbol, basketbol we fitital-basketbol boýunça öz başarnyklaryny görkezerler.
Oýunlaryň çäginde wekiliýet agzalary üçin medeni, bilim, sport we güýmenje maksatnamasy, şeýle hem Astrahan Kremline we ýerli taryhy muzeýine toparlaýyn gezelenç guralar.
Wolga derýasynyň kenarynda “Rus öýi” açmagy meýilleşdirýärler, bu halk toparlarynyň konsertleriniň geçiriljek, balalaýka we çemçede saz çalmagy öwrenmek hem-de rus aşhanasynyň tagamlary bilen tanyşmak üçin ýere öwrüler.
Astrahan sebitiniň bedenterbiýe we sport ministri Nina Iwaşkinanyň sözlerine görä, şu güne çenli bu halkara ýaryşlaryna gatnaşmak üçin 900 türgen ýüz tutdy.
“Hazar oýunlary” sebitara, bütin rus we halkara bedenterbiýe hem-de Russiýanyň Sport ministrliginiň sport çäreleriniň bitewi senenamasynyň meýilnamasyna girizildi.
ORIENT news
