9-10-njy awgustda Astanada geçiriljek Merkezi Aziýa + Ýaponiýa sammitiniň gün tertibine garaldy

Iýul 24, 2024 | 20:30 |10917

Çeşme: mfa.gov.tm

Türkmenistanyň daşary işler ministriniň orunbasary Ahmet Gurbanow Merkezi Aziýa + Ýaponiýa dialogynyň ýokary wezipeli wekilleriniň mejlisine gatnaşdy. Merkezi Aziýa we Ýaponiýa ýurtlarynyň wise-ministrleriniň derejesinde geçirilen bu mejlis çarşenbe güni, 24-nji iýulda wideo aragatnaşyk ulgamy arkaly geçirildi.

Diplomatlar 9-10-njy awgustda Astanada geçiriljek “Merkezi Aziýa + Ýaponiýa” sammitine taýýarlyk meselesini ara alyp maslahatlaşdylar. Mejlisde sammitiň gün tertibi, maksatnamalary we işewürler forumynyň meýilnamalary hem-de jemleýji resminamanyň taslamasy düýpli ara alnyp maslahatlaşyldy.

Taraplar Merkezi Aziýa ýurtlarynyň we Ýaponiýanyň arasyndaky häzirki gatnaşyklar barada hem pikir alyşdylar.

ORIENT news

9-10-njy awgustda Astanada geçiriljek Merkezi Aziýa + Ýaponiýa sammitiniň gün tertibine garaldy

Beýleki habarlar

Putin bilen Pezeşkian Moskwada duşuşdy

Müsür Hytaýdan gelýän syýahatçylary hem goşmak bilen, 100 million syýahatçyny çekmegi maksat edinýär

Moskwada Gaz Eksport Ediji Ýurtlaryň Forumynyň 28-nji ministrler duşuşygy açyldy