2024-nji ýylyň ikinji çärýeginde dünýäde smartfonlaryň öndürilişi 6% artdy
Halkara gözleg kompaniýasy IDC-iň deslapky hasabatyna görä, 2024-nji ýylyň ikinji çärýeginde dünýäde smartfonyň öndürilişi 285,4 million birlige ýa-da geçen ýyl bilen deňeşdirilende 6,5% artdy. Bu eýýam yzygiderli dört çärýek satuwda gazanylan ösüşidir.
Çärýegiň jemleri boýunça bazaryň öňdeligini Günorta Koreýanyň Samsung kompaniýasy eýeledi, ýagny geçen ýyl bilen deňeşdirilende 0,7% artyp, – 53,9 million smartfona ýetdi.
Ikinji çärýekde dünýäde smartfon öndürijileriniň arasynda dünýä bazaryna ibermek boýunça ikinji orny Amerikanyň Apple korporasiýasy eýeleýär. Ol 45,2 million iPhone satdy. Geçen ýyl bu görkeziji 44,5 million boldy. Muňa garamazdan, tehnologiýa ägirtleriniň bazardaky paýy 16,6% -den 15,8% -e çenli azaldy.
Hünärmenler, iki dünýä lideriniň bazar paýynyň pese gaçmagynyň sebäbini, ikinji çärýekde 42,3 million smartfon satyp, geçen ýyl bilen deňeşdirilende 27,4% ösüş gazanan Hytaýyň “Xiaomi” korporasiýasynyň üstünligi bilen düşündirýärler. Netijede, Apple-iň dünýä bazaryndaky paýy 14,8%-e deň bolup, Xiaomi-niň dünýä bazaryndaky paýy Apple-den bary ýogy 1% az boldy. Geçen ýyl iki kompaniýanyň arasyndaky ara tapawud 4,2% bolupdy.
«Häzirki wagtda Apple we Samsung bazarda öňdäki orunlary eýelemegini we bazarda premiumizasiýa tendensiýasyndan has köp peýdalanmagyny dowam edýär, köp hytaýly önüm öndürijileri gowşak isleg şertlerinde bazarda öz paýyny almak maksady bilen dünýä bazaryna amatly bahadan görnüşlerini hödürleýärler», – diýip IDC-iň gözleg bölüminiň direktory Nabily Popal hasabatynda beýän etdi.
ORIENT news
