Türkmenistanda Ygtyýarly ykdysady operatorlar maksatnamasy durmuşa geçirilýär
Türkmenistanyň Döwlet gümrük gullugynda Ygtyýarly ykdysady operatorlar (YYO) maksatnamasy boýunça seminar geçirildi. Bu barada Türkmenistanyň Döwlet gümrük gullugynyň resmi internet sahypasynda habar berildi.
Seminara Ygtyýarly ykdysady operator maksatnamasyny durmuşa geçirmek işine gatnaşýan Döwlet gümrük gullugynyň işgärleri, şeýle hem Türkmenistanyň Senagatçylar we telekeçiler birleşmesiniň wekilleri gatnaşdylar. Bu seminar YYO maksatnamasynyň Türkmenistanda durmuşa geçirilmegini goldamak maksady bilen geçirildi.
Bu çäre Italiýanyň gümrük we monopoliýa agentliginden Bütindünýä gümrük guramasynyň YYO tehniki we operatiw geňeşçisi Gaetano Sassone we Koreýanyň Gümrük gullugyndan BGG YYO tehniki we operatiw geňeşçisi Dongsuk Kim tarapyndan geçirdi.
Bäş günlik seminaryň sessiýalarynyň dowamynda Çarçuwaly standartlar ulgamlary durmuşa geçirilmeginde ählumumy söwdany goramak we goldaw berilmegini üpjün etmek, Türkmenistanda YYO maksatnamasyny ornaşdyrmak, YYO dumuşa ornaşdyrmak we tassyklamak boýunça goldaw ýaly mowzuklary öz içine aldy. Netijeli ara alyp maslahatlaşmalaryň netijeleri boýunça, hünärmenler YYO maksatnamasynyň ýurtda has netijeli durmuşa geçirilmegi üçin tekliplerini hödürlediler.
Bu seminar Döwlet gümrük gullugynyň we Türkmenistanyň Senagatçylar we telekeçiler birleşmesiniň wekillerine YYO maksatnamasyny we onuň Türkmenistanda durmuşa geçirilişinde mümkinçiliklerini artdyrmak üçin uly mümkinçilik boldy.
Bütindünýä gümrük guramasy (BGG) Ygtyýarly ykdysady operator (YYO) maksatnamasy birnäçe ýyl bäri işleýär. Söwda bilen baglanyşykly kärhanalarda berjaý ediliş we howpsuzlyk çäreleri arkaly howpsuz, aç-açan söwda gurşawyny döretmäge esasy goşant hökmünde ykrar edildi.
ORIENT news
