Brýusselde Türkmenistanyň ilçihanasy tarapyndan Belgiýaly ýerine ýetiriji bilen döredilen sungat eseri görkezildi (wideo)
Türkmeniň akyldar şahyry Magtymguly Pragynyň doglan gününiň 300 ýyllygy mynasybetli, Türkmenistanyň Belgiýa Patyşalygyndaky ilçihanasy Brýusseliň görnükli ýerlerinde we diplomatik wekilhanada ilçihananyň goldawy bilen düşürilen aýdym-saz wideosyny görkezdi. Türkmenistan barada rep aýdymyna şekilli aýdym döredildi we Toni atly Belgiýaly ýaş ýerine ýetiriji tarapyndan ýerine ýetirildi.
Çärä ýewropanyň köpçülikleýin habar beriş serişdeleriniň wekilleri, Ýewropa Bileleşiginiň institutlary, analitik merkezleriň, dostlukly ýurtlaryň ilçileri we beýleki myhmanlar gatnaşdy. Ilçi Sapar Palwanow Magtymguly Pragynyň türkmen medeniýeti we milli şahsyýeti üçin ägirt uly ähmiýeti, halkyň ruhy gymmatlyklaryna täsiri barada gürrüň berdi we nusgawy şahyryň eseriň dünýä tarapyndan ykrar edilmegini belläp geçdi. Magtymgulynyň «Ýagşydyr» goşgusyna salgylanyp, Türkmenistanyň medeniýetinden ylham alan Toni, ilçihananyň goldawy bilen beýik şahyryň goşgularyna esaslanýan aýdym döretmegi meýilleşdirýändigini mälim etdi.
Şeýle hem dabaranyň dowamynda Merkezi Aziýanyň ekologiýasy we taryhy boýunça garaşsyz gözlegçi Daria Soýsal hem çykyş edip, Magtymguly Pragynyň diňe bir türkmen halkynyň arasynda däl, eýsem dünýäde halklarynyň arasynda abraýynyň ulydygyna ünsi çekdi. Magtymgulynyň eserleriniň adamyň ahlak terbiýesine, dostluga, parahatçylyga we öz-özüňi ösdürmäge bagyşlanandygyny belläp geçdi. Daria Soýsal türkmen dilinde onuň goşgularyndan setirleri okap geçdi: "Magtymguly, owal özüň düzetgil, Özüňi sen özgelere göz etgil".
Şeýle hem çärä gatnaşyjylara «Turkmenistan Dreams» şekilli aýdymy görkezildi. Ondan soň myhmanlara türkmen milli aşhanasynyň tagamlary hödür edildi, tagamlardan dadyp görýärkä Toni türkmen telpegini geýip, dutar bilen milli öwüşgindäki aýdymy ýerine ýetirdi.
Şekilli aýdym Youtube-kanalynda "Owazymcom" platformasynda ýerleşdirildi, ony şu salgyda görüp bilersiňiz.
ORIENT news
