Türkmenistanyň Telewideniýe, radiogepleşikler we kinematografiýa baradaky döwlet komitetiniň ýolbaşçylar düzüminiň käbirleri çalşyldy
12-nji iýulda Türkmenistanyň Ministrler Kabinetiniň giňişleýin mejlisinde Prezident Serdar Berdimuhamedow Meýlis Rejepowy Türkmenistanyň Telewideniýe, radiogepleşikler we kinematografiýa baradaky döwlet komitetiniň başlygy wezipesine belläp, degişli resminama gol çekdi.
Mundan öň «Aşgabat» teleýaýlymynyň başlygy wezipesinde işlän Meýlis Rejepow, saglyk ýagdaýy sebäpli wezipesinden boşadylan Türkmenistanyň Telewideniýe, radiogepleşikler we kinematografiýa baradaky döwlet komitetiniň başlygy Arslan Aşyrowyň ýerine geçdi diýip, Türkmenistanyň resmi maglumat gullugy anna güni agşam beren habarynda habar berdi.
«Aşgabat» teleýaýlymynyň başlygy wezipesine Suhan Begenjow bellenildi. Mundan başga-da «Ýaşlyk» teleradioýaýlymynyň başlygy Şatlyk Purmämmedow wezipesinden boşatdyldy we onuň ýerine başlygy wezipesine Ýakup Kasymow bellenildi.
Bulardan başga hem «Türkmenfilm» döredijilik birleşiginiň ýolbaşçysy çalşyldy, ýagny Arslan Eýeberdiýewiň ornuna Mämmetnazar Saparmyradow bellenildi.
ORIENT news
