Türkmen ilçisi Kataryň Söwda–senagat edarasynyň baş direktory Ali Saeed Bu Sharbak Al Mansori bilen duşuşdy
Türkmenistanyň Katar Döwletindäki ilçisi Myratgeldi Seýitmämmedow Katar Döwletiniň Söwda–senagat edarasynyň baş direktory Ali Saeed Bu Sharbak Al Mansori bilen duşuşdy.
Duşuşygyň barşynda taraplaryň arasynda söwda-ykdysady gatnaşyklaryň ösdürilmeginiň zerurdygy nygtalyp, azyk senagaty, oba-hojalyk we gurluşyk senagaty ugurlary boýunça hyzmatdaşlygy ýola goýmagyň hem-de Türkmen-Katar söwda dolanşygynyň ýokarlandyrylmagynyň mümkinçilikleri ara alyp maslahatlaşyldy.
Ilçi ýurdumyzyň hususy pudagyndaky telekeçileriň katarly hyzmatdaşlary bilen aragatnaşygynyň ýola goýulmagy, türkmen harytlarynyň we önümleriniň Katar bazaryna çykarylmagynda Bilelikdäki işewürler geňeşiniň birinji mejlisiniň geçirilmegi ikitaraplaýyn gatnaşyklara uly itergi berjekdigini belledi.
Duşuşygyň ahyrynda diplomat ýurdumyzyň degişli edaralary bilen bilelikde ýokarda bellenilip geçilen ugurlar babatynda degişli hyzmatdaşlygy dowam etdirmek boýunça işleriň alnyp baryljakdygyny bellemek bilen, guralan duşuşyk üçin öz minnetdarlygyny bildirdi.
ORIENT news
