Türkmenistan ŞHG-na agza döwletlerini TAPI we TAP taslamalaryna gatnaşmaklarynyň mümkinçiliklerine garamaga çagyrýar
Türkmenistanyň Halk Maslahatynyň Başlygy Gurbanguly Berdimuhamedowa ŞHG-niň agza döwletlerine Türkmenistanyň başlangyjy bilen Owganystanyň çäginden geçýän gaz geçirijiniň gurluşygyna gatnaşmaklarynyň mümkinçiliklerine garamagy teklip etdi.
«ŞHG-niň gyzyklanma bildirýän döwletlerine Owganystanyň çäginde amala aşyrylýan energetika, kommunikasiýa taslamalaryna gatnaşmaklarynyň mümkinçiliklerine garamagy teklip edýäris. Gürrüň Türkmenistan — Owganystan — Pakistan — Hindistan gaz geçirijisiniň, Türkmenistan — Owganystan — Pakistan ugry boýunça elektrik geçirijisiniň we optiki-süýümli aragatnaşyk ulgamynyň gurluşygynyň taslamalarynyň durmuşa geçirilişi barada barýar», diýip Gurbanguly Berdimuhamedow Astanada geçirilen «ŞHG+» görnüşindäki sammitinde eden çykyşynda aýtdy.
Türkmen halkynyň Milli Lideriniň belleýşi ýaly, bu taslamalaryň durmuşa geçirilmegi Owganystanyň ykdysady we durmuş taýdan dikeldilmegine, sebit we yklym işlere çalt we netijeli goşulmagyny üpjün eder, şeýle hem ýurdyň ykdysady we durmuş taýdan dikeldilmegine, diýmek, syýasy ýagdaýyň durnuklylaşmagyna ýardam eder. Bu barada penşenbe güni Türkmenistanyň döwlet teleradiosynyň habarlarynda beýan edildi.
ORIENT news
