Azerbaýjan GDA ýurtlarynyň III oýunlaryna taýýarlyk görýär
Azerbaýjan indiki ýyl geçiriljek Garaşsyz Döwletleriň Arkalaşygynyň III oýunlaryna işjeň taýýarlyk görýär. Bu barada Respublikanyň ýaşlar we sport ministri Farid Gaibow aýtdy diýip, AZERTAJ habar berýär.
Iş topary eýýäm Oýunlary ýokary derejede guramak boýunça işlere girişdi.
Ministriň bellemegine görä, oýunlar sportuň 22 görnüşi boýunça 33 maksatnama esasynda geçiriler. Ýaryşlar Azerbaýjanyň 14 şäherinde – Genje, Hankendi, Mingäçewir, Gabala, Ismailli, Şeki, Şamkir, Towuz, Gazah, Göýgöl, Ýewlah, Oguz, Terter we Geranboý şäherlerinde geçiriler.
GDA ýurtlarynyň oýunlary Russiýanyň başlangyjy bilen döredildi. Olaryň döredilmegi gurama agza döwletleriň bedenterbiýe we sport bilen meşgullanýan raýatlarynyň sanyny artdyrmak boýunça 2020-nji ýyla çenli döwür üçin GDA agza ýurtlaryň bedenterbiýe we sporty ösdürmek strategiýasynyň maksatlaryna ýetmäge gönükdirilendir.
Oýunlar GDA agza ýurtlarda yzygiderlilikde her iki ýyldan bir gezek geçiriler we oýunlaryň umumy dowamlylygy on güne çenli bolar.
ORIENT news
