2023-nji ýylda türkmen harytlarynyň üpjünçiligi Emirliklere 13% ýokarlandy
2023-nji ýylda Türkmenistan bilen BAE-iň arasyndaky söwda dolanyşygy 1 milliard 290 million ABŞ dollaryna ýetdi we 2022-nji ýyl bilen deňeşdirilende 15,8 göterim ýokarlandy. Türkmenistanyň Emirliklere eksporty 13,3%, import 16.2% ýokarlandy.
Türkmenistan esasan hem himiýa senagatynyň, ýangyç we energiýa toplumynyň, oba hojalygy pudagynyň önümleri we beýlekileri eksport etdi. Şeýle-de Türkmenistan Birleşen Arap Emirliklerinden metallurgiýa senagatynyň önümlerini, ulaglary, enjamlary we mehanizmleri, öý üçin önümleri we ş.m import etdi diýip, sişende güni Türkmenistanyň söwda we daşary ykdysady aragatnaşyklar ministriniň orunbasary Kerimberdi Gurbanow “Türkmenistan — Birleşen Arap Emirlikleri” işewürlik maslahatynda eden çykyşynda belledi.
Bilelikdäki işewürlik çärelerini geçirmek, BAE-de we Türkmenistanda guralan sergilere we ýarmarkalara gatnaşmak iki ýurduň arasyndaky hyzmatdaşlygy has-da giňeltmek we söwda dolanyşygyny ýokarlandyrmak üçin uly itergi berjekdigine ynam bildirdi.
Hususan-da, Türkmenistan 2023-nji we 2024-nji ýyllarda Abu-Dabide geçirilen maýa goýum forumyna we öz çäginde geçirilen sergilere, şeýle hem 2023-nji ýylda Dubaýda geçirilen “Organik EXPO” sergisine öz milli pawiliony bilen gatnaşdy. Häzirki wagtda BAE-de geçiriljek esasy sergilere gatnaşmak üçin işler alnyp barylýar.
Kerimberdi Gurbanow, şeýle hem iki ýurduň arasyndaky söwda we ykdysady gatnaşyklary mundan beýläk-de ösdürmek üçin bu ugurda täze esasy resminamalary kabul etmegiň zerurdygyny, bu ösüşiň ikitaraplaýyn duşuşyklaryň birnäçesini guramagyny talap edýändigini aýtdy.
ORIENT news
