Türkmenistan we BAE bilelikde işewürlik forumyň geçirilmegine taýýarlyk görýär
Türkmenistanyň Söwda-senagat edarasynyň wekilleri BAE-niň Türkmenistandaky ilçisi Ahmet Al Hameli bilen ýakynda geçiriljek “Türkmenistan -BAE” işewürlik forumyna taýýarlyk görmek meselesini ara alyp maslahatlaşdylar. Bu barada Türkmenistanyň Söwda-senagat edarasyna metbugat gullugy habar berýär.
Taraplar bu çäräniň özara bähbitli hyzmatdaşlygy giňeltmäge ýardam berjekdigine hem-de Türkmenistan bilen BAE-niň kompaniýalarynyň arasynda ykdysadyýetiň dürli ugurlar boýunça hyzmatdaşlygyň täze mümkinçiliklerini açjakdygyna ynam bildirdiler.
Türkmenistanyň Söwda-senagat edarasynyň wekilleri Arap dünýäsiniň öňdebaryjy ykdysadyýetine eýe bolan BAE bilen energetika, maýa goýum, ulag we kommunikasiýa ýaly esasy ugurlarda gatnaşyklary ösdürmegiň möhümdigini bellediler.
“Türkmenistan -BAE” işewürlik forumy 25-nji iýunda Aşgabatda geçiriler.
ORIENT news
