Türkmen harby ýokary okuw mekdepleriniň uçurymlaryny sylaglamak dabarasy boldy
Paýtagtymyzdaky Konstitusiýa binasynyň öňünde Türkmenistanyň Goranmak ministrliginiň Harby akademiýasynyň, harby institutynyň, Serhet institutynyň, Milli howpsuzlyk institutynyň, Içeri işler ministrliginiň institutynyň, Myrat Garryýew adyndaky Türkmenistanyň Döwlet lukmançylyk uniwersitetiniň harby lukmançylyk fakultetiniň uçurymlaryny sarpalamak dabarasy boldy.
Harby akademiýasynyň uçurymlaryna ýokary bilim baradaky diplomlar we döşe dakylýan nyşanlar, harby we hukuk goraýjy edaralarynyň ýokary okuw mekdepleriniň uçurymlaryna bolsa, serkerdelik şahsyýetnamalary dabaraly ýagdaýda gowşuryldy.
Şeýle hem Balkan welaýatynda Türkmenistanyň Goranmak ministrliginiň Harby-deňiz institutynyň uçurymlaryny sarpalamak dabarasy boldy diýip, Milli goşun habar berýär.
ORIENT news
