Daşkentde CASCA+ ulag geçelgesini ösdürmek üçin strategiki ädimler ara alnyp maslahatlaşyldy
28-29-njy maýda Daşkende Azerbaýjanyň, Gruziýanyň, Gyrgyzystanyň, Türkmenistanyň, Türkiýäniň we Özbegistanyň demirýol edaralarynyň wekilleriniň duşuşygy geçirildi.
Şeýle hem bu çärä iri eksport ediji kärhanalaryň, hususan-da, Uzkimýoimpeksiň, Almalyk dag-magdan zawodynyň, «UzAvtoSanoat» paýdarlar jemgyýetiniň, Daşkent turba zawodynyň wekilleri gatnaşdy.
Maslahata gatnaşyjylar CASCA+ geçelgesini mundan beýläk-de ösdürmek üçin dürli taslamalary gözden geçirdiler. Sowadyjy gaplary ulanyp, miweler we gök önümler ýaly çalt zaýalanýan harytlaryň üpjünçiligini gowulandyrmak, şeýle hem geçelge boýunça hereket edýän wagonlary we konteýnerleri yzarlamak üçin onlaýn gözegçilik ulgamyny döretmek teklip edildi. geçelgäniň işjeňligini ýokarlandyrmak üçin onuň web-saýtyny ösdürmegiň zerurlygy bellenildi.
ORIENT news
