Aşgabatda MasterCard bank kartyny ulanmak arkaly hasaplaşyklary geçirmek ara alnyp maslahatlaşyldy
5-6-njy iýun aralygynda Türkmenistanyň Döwlet daşary-ykdysady iş bankynda MasterCard bank kartyny ulanmak arkaly maliýe amallaryny ýerine ýetirmek boýunça okuw maslahaty geçirildi.
Oňa gatnaşyjylar hasaplaşygyň kliring ulgamy barada maglumaty diňlediler. Kliring –bu ýuridiki we fiziki şahslaryň arasynda harytlar we hyzmatlar üçin yzygiderli nagt däl hasaplaşygy geçirmeklikdir. Kliringde nagt tölegleriň ýerine talaplary we borçlary özara hasaplaşmak amala aşyrylýar.
Bilermenler şeýle hem biling ulgamy bilen tanyşdyrdylar. Biling amala aşyrylan hyzmatlary, olaryň bahasyny we töleg üçin hasapnamalary hasaba alýan awtomatlaşdyrylan ulgamdyr.
Mundan başga-da, okuw maslahatyna gatnaşyjylara MasterCardyň hasaplaşyklardaky ähmiýeti barada hem-de beýleki töleg ulgamlaryndan tapawutly aýratynlygy barada gürrüň berildi.
Hasaplaşyklary geçirmek, walýutany konwertasiýa etmek ýaly amallar özleşdirildi.
ORIENT news
