“Türkmenpoçta” kompaniýasynyň Çapar Pay goşundysynyň täzelenen görnüşinden peýdalanyň
“Türkmenpoçta” poçta aragatnaşyk kompaniýasy köp funksiýaly Çapar Pay goşundysyny täzeledi.
Bu goşundy indi has ykjam, dizaýny bolsa estetiki we döwrebap görnüşe eýe boldy. Goşundynyň interfeýsi ulanyjylar üçin düşnükli bolup, gerekli amallary ýerine ýetirmek üçin çalt we aňsatdyr. Goşundyda iň ýygy ulanylýan funksiýalaryňyzy “Saýlananlar” bölümine ýerleşdirmek ýeterlikdir.
Goşundynyň kömegi bilen jemagat hojalygy hyzmatlaryny tölemäge, uçar peteklerini satyn almak, islendik hyzmatlara ýazylyşy uzaltmak hem-de ykjam telefonlaryň hasabyny doldurmak bolýar. Ähli gerek zatlar goşundynyň ekranynda bardyr. Birnäçe aňsat amallaryň kömegi bilen pul serişdelerini geçirip bolýar.
Şeýle hem goşundy arkaly bank kartynyň üsti bilen Belet filme ýazylmak hem-de ykjam telefonyň hasabyny doldurmak bolýar, mundan başga-da, Türkmenistanyň çägindäki ähli edaralaryň telefon belgilerini almak, çagalar bagy üçin töleg geçirmek, ýöl gözegçilik gullugynyň jerimeleri baradaky maglumaty almak we olary tölemek, Türkmenistanyň çäginde hatlary we ýükleri ibermegi resmileşdirmek bolýar.
Umuman, täze goşundyny Google Play- da we App Store-da ýükläp, siz öz durmuşyňyzy ep-esli aňsatlaşdyrarsyňyz.
ORIENT news
