Türkmenistanyň Prezidenti içeri işler ministrine we Döwlet serhet gullugynyň ýolbaşçysyna käýinç yglan etdi
Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy penşenbe güni geçirilen Türkmenistanyň Döwlet howpsuzlyk geňeşiniň mejlisinde harby we hukuk goraýjy edaralaryň ýolbaşçylarynyň ikisine käýinç yglan etdi.
Wezipe borçlaryny talabalaýyk ýerine ýetirmän, işde goýberen kemçilikleri üçin içeri işler ministri M.Hydyrowa käýinç, Döwlet serhet gullugynyň başlygy – Serhet goşunlarynyň serkerdebaşysy Ý.Nuryýewe berk käýinç yglan edildi.
M.Hydyrow içeri işler ministri wezipesine 2022-nji ýylyň 6-njy aprelinde bellenilen bolsa, Serhet gullugynyň başlygy häzirki eýeleýän wezipesine 2021-nji ýylyň ýanwar aýynda bellenildi.
Bu käýinç içeri işler ministrine yglan edilen ikinji käýinçdir. Oňa birinji käýinç bu wezipä bellenenden üç aý geçenden soňra – 2022-nji ýylyň 31-nji iýulynda yglan edildi.
ORIENT news
