Tutuş dünýäden bilermenler Çölleşmä we gurakçylyga garşy göreşmegi ara alyp maslahatlaşmak üçin bir ýere jemlenerler
2024-nji ýylyň 17-nji iýunynda, Çölleşmä we gurakçylyga garşy göreşmegiň bütindünýä gününde Germaniýanyň Bonn şäherinde ählumumy çäre geçiriler.
BMG-niň Çölleşmä we gurakçylyga garşy göreşmek boýunça Konwensiýasynyň 30 ýyllygy mynasybetli bu çäre Germaniýanyň hökümeti tarapyndan guralar.
Şu ýylyň “Dünýäniň hatyrasyna birleşmek: Biziň mirasymyz. Biziň geljegimiz” atly şygaryna laýyklykda çärede ählumumy abadançylygyň we durnuklylygyň bähbidine sagdyn topraklary geljekki nesiller üçin gorap saklamak meselesi ara alnyp maslahatlaşylar.
Maslahat hökümet baştutanlaryny, ylmy we raýat jemgyýetçiliginiň wekillerini, ýaşlary ýer serişdelerini rejeli peýdalanmak ugrunda çykyş etmek, Ýeri gorap saklamagyň bähbidine birleşmäge berk ygrarlydyklaryny görkezmek üçin bir ýere jemlär.
Hususan-da, gatnaşyjylar ýer serişdelerini dolandyrmak işini özgertmekde ýaş liderleriň eýeleýän ornuny ara alyp maslahatlaşarlar, şu ýylyň 2-13-nji dekabrynda Er-Rýadda geçiriljek BMG-niň Çölleşmä garşy göreşmek boýunça Konwensiýasyna gatnaşyjy taraplaryň maslahaty babatda pikir alşarlar.
Çölleşme, ýerleriň şorlaşmagy we gurakçylyk dünýäniň azyk üpjünçiligine howp salýar, sil almalaryň we tokaý ýangynlaryň töwekgelçiligini artdyrýar.
Azyk ulgamyny özgertmek hem-de ýer serişdelerini dikeltmek işine ýaşlary çekmegiň 2023-njy ýyla çenli 600 million iş ornuny döretmäge ýardam berip biljekdigini bellemek gerek.
Çäräni şu salgyda görüp bolar.
ORIENT news
