Merkezi Aziýa ýurtlary we Hytaý nebit hem-de gaz geçirijilerinde heläkçilikleri aradan aýyrmak boýunça okuw türgenşeliklerini gezçirerler
Hytaý we Merkezi Aziýanyň 5 ýurdy Adatdan daşary ýagdaýlary dolandyrmak ulgamynda hyzmatdaşlygyň gurallaryny döretmek boýunça özara düşünişmek hakyndaky Ähtnama gol çekmegi meýilleşdirýärler.
Taraplar şeýle hem nebit we gaz geçirijilerinde heläkçilikleri dessin togtatmak we aradan aýyrmak boýunça okuw türgenleşiklerini geçirerler. Bu barada Sinhuanyň habarynda aýdylýar.
Ähtnama 30-njy maýda Urumçi şäherinde Hytaýyň we Merkezi Aziýa ýurtlarynyň Adatdan daşary ýagdaýlary dolandyrmak meseleleri boýunça geçiriljek ministrler derejesindäki duşuşygynyň çäklerinde gol çekilmegine garaşylýar.
HHR-niň Adatdan daşary ýagdaýlary dolandyrmak boýunça minstrliginiň halkara hyzmatdaşlygy departamentinde Hytaýda we Merkezi Aziýa ýurtlarynyň ählisinde tebigy betbagtçylyklaryň, şol sanda ýer titreme, sil alma, tokaý we sähra ýangynlary töwekgelçiliginiň ýokarydygyny bellediler.
Duşuşykda tebigy betbagtçylyklaryň öňüni almak, ýetirýän zyýanyny azaltmak hem-de netijelerini aradan aýyrmak, önümçilikde howpsuzlyga gözegçilik etmek hem-de toplumlaýyn heläkçilik-halas ediş işleri ýaly ulgamlarda taraplaryň hyzmatdaşlyk etmegi bilen baglanyşykly meselelere serediler, şeýle hem özara gatnaşyklary çuňlaşdyrmak boýunça täze teklipler öňe sürler.
ORIENT news
