Türkmenistanyň hukuk goraýjy edaralarynyň işgärleri Slowakiýede hünär derejelerini ýokarlandyrdylar
Merkezi Aziýada hukuk düzgün tertibini üpjün etmek boýunça Ýewropa Bileleşigi tarapyndan maliýeleşdirilýän taslama Özbegistanyň we Türkmenistanyň hukuk goraýjy edaralarynyň ýörite maksatly bölümleriniň 9 sany işgäri üçin Slowakiýäniň Bratislawa şäherinde okuwlaryň 2-nji tapgyryny gurady.
2024-nji ýylyň 15-19-njy aprelinde geçirilen okuwyň 1-nji tapgyryna Gazagystanyň, Gyrgyzystanyň we Türkmenistanyň wekilleri gatnaşdylar. Bu okuw ISEMI-niň himiki, biologiki, radiologiki we ýadro-partlama howplarynda ýöriteleşen bilermenleri, şol sanda Slowakiýanyň howpsuzlyk we ýangyna garşy göreşmek toparlarynyň serkerdeleri tarapyndan geçirildi. Maksatnama Slowakiýanyň bilim ministrligi tarapyndan tassyklanyldy we Ýewropa Bileleşiginiň üznüksiz okuw ulgamyndaky standartlaryna laýyk gelýär.
Okuwyň dowamynda himiki, biologiki, radiologiki we ýadro-partlama materiallarynyň ýarag hökmünde ulanylýan, hukuk goraýjy edaralary üçin kynçylyk döredýän hem-de işgärlere we zamunlara howp salýan sahnalara aýratyn üns berildi. Okuwa gatnaşyjylar nazaryýet sapaklarynyň tejribe sapaklary bilen toplumlaýyn utgaşdyrylmagyna ýokary baha berdiler.
Munuň özi Ýewropa Bileleşigindäki kärdeşler bilen hyzmatdaşlygy ýeňilleşdirdi diýip Ýewropa Bileleşiginiň Özbegistandaky wekilhanasynyň metbugat gullugy habar berýär.
ORIENT news
