Türkmenistanyň Halk Maslakhatynyň Başlygy Tatarystanyň Döwlet geňeşçisi Mintimer Şaýmiýew bilen duşuşdy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow “Russiýa - Yslam dünýäsi: KazanForum 2024” XV Halkara ykdysady forumynyň çäginde Tatarystanyň Döwlet Geňeşçisi Mintimer Şaýimiýew bilen duşuşdy.
"Russiýa - Yslam dünýäsi" köpugurly görnüşdäki hyzmatdaşlygyň işi, musulman ýurtlary bilen Russiýanyň arasyndaky hyzmatdaşlygy has-da pugtalandyrmak barada pikir alyşdylar, şeýle hem Tatarystan bilen Türkmenistanyň käbir bilelikdäki taslamalarynyň durmuşa geçirilişini ara alyp maslahatlaşdylar. Bu barada Russiýa Federasiýasynyň Tatarystan Respublikasynyň raisiniň metbugat gullugy habar berdi.
KazanForum 14-nji maýdan 19-njy maý aralygynda Tatarystanyň paýtagtynda geçirilýär, esasy maksatnama 15-nji maýda başlandy.
Bir gün öň ýanynda Türkmenistanyň Halk Maslahatynyň Başlygy Kazan Kremlinde Tatarystanyň raisi Rustam Minnihanow bilen duşuşyk geçirdi. Söhbetdeşler nebit gözlemek, nebit öndürmek, gaz daşamak, awtoulag, uçar we gämi gurluşygy, energiýa, himiýa önümleri bilen üpjün etmek we agrosenagat toplumy ýaly ugurlarda hyzmatdaşlygy ösdürmek üçin oňat geljegiň bardygyny bellediler.
ORIENT news
