Wladimir Putin «KazanForum-a» gatnaşyjylaryna Gutlag iberdi
Russiýanyň Prezidenti Wladimir Putin 14 – 19-njy maý aralygynda Kazanda geçiriljek «Russiýa – Yslam dünýäsi: KazanForum» atly XV ýubileý halkara ykdysady forumyna gatnaşyjylara we onuň myhmanlaryna Gutlag iberdi. Bu telegramma Kremliň saýtynda çap edildi.
Putin gutlagynda Russiýanyň musulman ýurtlary bilen däp bolan dostlukly gatnaşyklara sarpa goýýandygyny we olaryň garaşsyz daşary syýasat alyp barmak isleglerine ýokary baha berýändigini belledi.
Şunuň bilen baglylykda, Russiýanyň Prezidenti Yslam Hyzmatdaşlyk Guramasynyň wekilleriniň gatnaşmagynda «Russiýa – Yslam dünýäsi» strategiki görüş toparynyň nobatdaky mejlisiniň aýratyn ornuna ünsi çekdi.
Wladimir Putin Russiýa – Yslam dünýäsi: KazanForum» atly XV halkara ykdysady forumyna gatnaşyjylaryň döredijilikli we giň mazmunly gepleşikleri geçirjekdigine, munuň bolsa gatnaşyjy ýurtlaryň arasyndaky dostlugyň we hyzmatdaşlygyň mundan beýläk-de pugtalandyrylmagyna goşant goşjakdygyna ynam bildirdi.
ORIENT news
