Türkmenistanda Ýeňiş güni mynasybetli dabaralar geçirildi
9-njy maýda Türkmenistanda Beýik Watançylyk urşunda gazanylan Ýeňiş güni mynasybetli dabaralar geçirildi. Däp bolşy ýaly, Aşgabatda “Halk hakydasy” ýadygärlikler toplumyna gül desselerini goýmak dabarasy boldy. Bu baýramçylygyň iň uly wakasy – diňe söweş meýdanynda wepat bolan esgerleri hatyralamak bilen çäklenmän, eýsem, nesilleriň, jemgyýetiň we dürli halklaryň jebisligini alamatlandyrýar.
Dabara türkmenistanlylar bilen birlikde, köp sanly ýurtlaryň, şol sanda Azerbaýjanyň, Ermenistanyň, Owganystanyň, Belarusyň, Eýranyň, Gazagystanyň, Gyrgyzystanyň, Türkiýäniň, Özbegistanyň we beýleki ýurtlaryň diplomatik wekilhanalarynyň ýolbaşçylary hem-de işgärleri gatnaşdylar.
Ýurduň beýleki şäherlerinde hem Watany gorap wepat bolanlaryň hatyrasyna bina edilen ýadygärliklere gül desseleri goýuldy, düýn bolsa paýtagtda w beýleki şäherlerde uruş weteranlary we tylda zähmet çekenler sylaglandy, şeýle hem beýleki baýramçylyk çäreleri geçirildi. Ýeňiş güni «geçmiş» diýip häsiýetlendirip bolmajak baýramçylykdyr. Ol hemişe biziň aramyzda, durmuşymyzda ýaşaýar.
ORIENT news
